قصة قصيرة "التأثير السلبي للتنمر"

إقرأ أيضًا

 

# شباب بقي ما  احنا كنا شباب😂 

#ثانيه ثانوي

##

كان مره وانا في تانيه ثانوية مدرس الكيمياء مسك طالب سرحان وتقريبا كان بيكتب شعر في الحصه و لا هو هنا خالص فالمستر جابه قدام المجموعه كلها حوالي ١٠٠طالب  وخلاه يجيب كراسته معاه طبعا ،،و بالإضافة أنه وقفه الشخص ده قدام المجموعه كلها حصل جدال  علي🤔 ...اي اللي كان بيكتبه في الكراسه فالولد حاول يتفلت لكن 😂 لا المستر خلاه يفتح الكراسه علي اللي كان بيكتبه وفتحله علي أول  شابتر في المنهج واحنا كنا في الشابتر الخامس تقريبا المهم اكتمل الجدال لحد ما المستر لقي اللي كان بيتكب وواحسرتااه علي اللي حصل 😂💔 قرأ الكلام قدام المجموعه كلها وكان في كلمات مش في اللغه العربيه اصلا 🤦بس اي المجموعه كلها ماتت ضحك 😂😂😂خصوصا انا طبعا والمستر بصلي وقتها وقالي انا اول مره في حياتي اشوف الكلمه دي و هحاول اشوفها في قواميس اللغة العربية كلها😂 كان بيعزني اووي 🌝

وفضل ماسكها للولد لحد  ما خلصنا ثانويه عامه  لا وكمان غير اسم الولد للكلمه دي 🙄

عارف في حد هيموت ويعرف هي اي الكلمه دي ..هقولك ي سيدي (بقاحه)ايوه بالظبط كده😂😂

الحصه دي بكل تفاصيلها مش بتروح من دماغي رغم إن أنا نسيت كان اي الشرح بس يلا كله رايح ي باشا 😂💔

ايوه كلنا ضحكنا ضحك السنين 😂

🙌 بس ثانيه واحده كده 

هو لو كان المستر أو اي حدد مننا مكانه كان هيقبلها لنفسه؟ اكيد طبعا لأ ،،اه انت ممكن تغلط وتبقي عاوز تبان روش و كوول بالتريقه والتنمر علي خلق الله بس انت مترضهوش لنفسك ..

(لا يؤمن احدكم حتي يحب لأخيه ما يحبه لنفسه)  صلوا علي الحبيب

ولو عملتها مره مرتين تلاته ي سيدي مع حد انت  عزيز عليه ممكن بس منسوقش فيها بقا ...ممكن يضحك قدامك وعادي جدا بس مفيش اكتر من تأثير التنمر سلبيا وكلنا بشر  ،،و علي فكره عمرك مهتبان كوول خالص 

شوف بقي انت لما تتحط مكن الشخص و يبقي هو المدرس وانت الطالب هتقول عليه أي ؟🤷

اه احنا مش ملايكه بس اللي يغلط يعتذر مش هينقص من قدرك شئ لا بالعكس هيعلي قدرك اكتر في نظر الله قبل خلقه  ،

قال تعالي ،،ولا تلمزوا أنفسكم ولا تنابذوا بالألقاب ،،

يعني انت لما بتتريق علي حد اكنك بتعمل كده علي نفسك بالظبط لأن الإنسان بيسقط عيوبه ونواقصه علي خلق الله 

...وعلي رأي ابراهيم الفقي رحمه الله...رأيك فيا لا يدل عليا بل يدل عليك )💙💙

(لا يسخر قوم من قوم عسي أن يكونوا خيرا منكم )

(ولا تلمزوا أنفسكم ولا تنابذوا بالألقاب بئس الاسم الفسوق بعد الإيمان ومن لم يتب فأولئك هم الظالمون)

#حب لأخيك ما تحبه لنفسك 

#لا_للتنمر