 |
👀family is life or is the killer for eveybody else |
عليك بقراءه هذا المقال بقلبك قبل قراءته بعينيك لكي تفهم بعمق النفس الانسانيه من هذا الجانب الاجتماعي؟
كلام هيفضل يتكرر لحد ما أموت:
لو مش هتشيلي/ هتشيل مسؤوليه زواجك متتجوزيش/متتجوزش
لو مش هتعطي لاطفالك الاهتمام الكافي متتجوزيش/متتجوزش
لو مش هتقدري/هتقدر تهتم بحد غير نفسك متتجوزيش/متتجوزش
لو عاوزه /عاوز تفضلي /تفضل متمحوره/متمحور حول نفسك
يبقي نفضها سيره وخلي كل واحد في بيته ..
اصل اللي بيحصل ده كتير جدا..😶
يعني انا عاوز افهم حاجه :
الطفل اللي اتولد ده ذنبه انه اتولد لأم او أب أناني مش شايف غير متطلباته وبس ،وبعدين نرجع نشتكي ان أولادنا مش عاوزين يقعدوا معانا ،مش عاوزين يدخلوا البيت
!ما هو حضرتك لو كان شايف فيكي/فيك أم او أب بجد كان جالك ،لكن ليه هو شايف قسوه العالم من خلالكوا فهرب منكوا للعالم،اصل قسوتكوا عدت جامد...
كفايه ظلم بقا..😠
الأب والأم مرايه اي طفل اللي بيشوف فيها نفسه...
يعني لو قسيتوا عليه وقلتوا انه يستاهل خلاص يتقبل اي اهانه ويعيش موطي لأي حد يدوس عليه ،،او بيشحت الحب بمعني اصح او يرفض ده ويقلب عناد وعدوانيه ...وكل ده بشكل غير واعي ...
الأطفال محتاجه حنان ،رعايه ،إهتمام مش إهمال،تربيه وبرفق مش قسوه وأوامر أوامر
،الطفل مكتشف صغير نحميه ونسيبه يلعب براحته
،انا عاوز افهم السؤال الأزلي طفل عنده 8 شهور لحااااد 7 سنين وأكثر عاوزه يعمل ايه ؟ ويتضرب ليه ها ااا
يقعد يقرأ و يذاكر ووو ،هو طفل يبقي يلعب ومبتتسماش شقاوة علي فكره ،سموا الأشياء بمسمياتها...
الأب والأم قدوه لأطفالهم هيعمل زيكوا في كل شئ
،،،طب اعمل كذا ومتعملش كذا ،،،طب معلش هل انت يا أب او يا أم بتعمل /او بتعمل اللي انت بتقوله ؟
ترضي تتعامل كده ..
،،،حط نفسك مكان طفلك اكيد مش هتقبل ....
الأطفال بتحس زيكوا بالظبط
وليها حريه تختار وتعبر عن رأيها متقتلوش ده وبعدين تزعلوا لما يكبر ويبقي مهمش منطوي او عدواني شرس ،،معلش يعني انتوا قتلتوه من زمان وهو صغير ...
ليه تقتلوا بني آدم وهو عايش وهو هديه ربنا ليكوا..
وفي كلام كتير اوي...
بس كفايه الجمله دي:
الاطفاااااااااااااااال امااااااااااااااااانه
وكذلك ذنبه ايه شريك/شريكه حياه حد أناني ومش متقبل يضحي ،بس نفسي نفسي ...
ليه تتجوز عشان تتطلع /تتطلع مرضك النفسي عليه/عليها
اكيد لو اتحطيط مكانه/مكانها عمرك ما نتقبل تتهان او يضحك عليك وبعد كده تشوف الوش التاني..
متتجوزوش يا جماعه صوره: من ذكر ،اوصوره من أنثي
يتجوزوا راجل يا جماعه مش ذكر ،،اتجوز امرأه مش أنثي ...شتان بينهما.
اتجوزوا واختاروا صح يماتجوزوووووش 🤫
....هي الدنيا جرا فيها ايييه...
أمهات و آباء بتقتل أولادها حرفيا او بالقسوه والعنف
أزواج وزوجات بيهينوا أزواجهم و يعذبوهم او يقتلوهم .
متتجوزش لو مش هتقوم بدورك
تتجوز عشان تتطلع عقدك النفسية في حد ملوش ذنب 🙂
ممتجوزش عشان الناس قالت
الزواج أكبر من فستان وبدله
الزواج مسؤوليه ومشاركه وتضحيه وحب وموده ولين وتفاهم.......
اتقوا الله
الظلم ظلمات يوم القيامه
دعوه المظلوم مستجابة فليس بينه وبين الله حجاب،،،
المظلوم لم احدد مله ولا عرق ولا اي شئ..اي مظلوم حتي لو كافر بالله🙌🏻
اللهم بلغت اللهم فاشهد
حسبي الله وكفي
ليست هناك تعليقات
إرسال تعليق